Më shumë se gjysma e amerikanëve, duke përfshirë pjesën më të madhe të njerëzve me ngjyrë dhe hispanikëve, mendojnë se Donald Trump është racist.
Më shumë se gjysma mendojnë se politikat e tij kanë bërë dëm në këto komunitete dhe gati gjysma thonë se gjërat janë vështirësuar për afrikano-amerikanët, transmeton portali arbresh.info
Sipas një sondazhi të kryer nga Associated Press, 57 përqind e amerikanëve mendojnë se politikat e Trump kanë qenë të këqija për myslimanët dhe 56 përqind mendojnë se kanë qenë të këqija për hispanikët.
Tetëdhjetë e pesë përqind e demokratëve e konsiderojnë Trump racist, por vetëm 21 përqind e republikanëve janë dakord.
Rezultatet tregojnë një ndarje të ashpër mbi çështjet racore që mbajnë vendin gjatë presidencës së Trump, i cili gjatë një takimi me dyer të mbyllura i ka quajtur kombet afrikanë si “vrima qenefi” dhe premtoi për ndërtimin e murit kufitar me Meksikën.
Shtëpia e Bardhë ka refuzuar të komentojë mbi sondazhin e fundit, ndërsa më parë Donald Trump është deklaruar se ‘nuk është racist’./arbresh.info/
Zbulohet një magazinë me lëndë narkotike në Korçë, arrestohe...
Tetë nga 11 lojtarët e Barçës ndaj Bayernit ishin pjesë e La...
Në mungesë të kuorumit s’votohet rezoluta e opozitës për KEK...
BIK-u dënon sulmin terrorist në Ankara
FSK-ja certifikon grupin e pestë të kursantëve nga Ukraina
Kurti mori pjesë në ecjen tradicionale në kuadër të Muajit N...